Perdonème, Signor...

Perdonème, Signor,se ho fato un pecato...un pensiero cativo...ma sol tale è restato!L’è stà quando che, al Primo,de propaganda gran mago,el sindaco Tosiel s’ha butàdo nel lago!Par farse vedar vissìn ai cittadini a le asse,sfiancà da la crisi,martorià da le tasse,par far vedar che a loriel ghe someja a la grande,sfidando ’nca ’l giasso...el s’ha messo in mudande!Gh’era un fredo balengo che sgarizolava le recie...lo vardàa a boca verta,spaventàde, le vecie...e, con quatro so amìssifora come i poggioli,el s’ha butàdo de slancioda la riva dei moli!L’è sparì fra le onde!E ’lora a mi, come a tanti,sensa voler m’è vegnùdodei pensieri inquietanti!ché, pensando ben comeel vol ridur la cità,a l’Arena col cuèrto,a l’aria inquinà,ai quartier sbandonàdi stofegà dal cemento,a la cultura copàda sensa gnanca un lamento,ai gran super mercatidestinà a l’Arsenale,ai morti sepoltiimpilonà in verticale,ai annunci busiàride filobùs e traforo,a le acogliense negàdepar via del “decoro”...a le promesse e a le bale za contà fin a ieri...m’è vegnù, lo confesso,dei cativi pensieri...che m’ha lassàdo nel corna speransa furtiva:che se averasse quel sognonato lì a la deriva...Perdonè... ma el pensierol’è stà sol tempo perso:parché ’l sindaco Tosia la fin... l’è riemerso!